Transcription
1
[copie de la lettre de Charles IX à M. de Suze]
2
Instructions au sieur de Suze, chevallier de lordre du roy, conseilhyer
3
en son conseil privé et cappitaine de cinquante lances de ses hordonnances,
4
le quel sa magesté envoye en la ville d’Avignon et au peys et comté
5
de Venisse pour commander aux forces quele a advisée dy mectre, tans
6
pour reprandre les lieux de Menerbe qui a esté prins et occuppé
7
pour peu de temps en sa, que pour sopposer aux dessaings que ceux
8
de la nouvelle opignon pourroint avoyr faict sur les aultres villes
9dudit peys appartenantz à nostre Sainct Père et estans soubz [barré : lasile ]
10
protection de sadite magesté.
11
Dernyerement, estant en ladite ville d’Avignon communiquère avecq
12
monsieur le cardinal d’Armaignac suyvant se que sa magesté
13
luy escript presentement au quel il feit entandre que sadite
14
magesté ayant seu ainsi par le sieur de Ferral, sont ambassadeur prèz
15
nostre Saint Père le pappe que sa saincteté sur la nouvelle quelle
16
avoyt heu de le prinse dudit Menerve estoyt en desliberation
17
denvoyer audit comté cent chevaux legers et six cens hommes
18
de pied et despeché devers sadite Saincteté le sieur de Vermillon,
19
gentilhomme de la chambre de monseigneur le duc d’Alenseon pour luy remontrer
20
comme ses predessesseurs et luy avoyent tousjours heu seubz une
21
protection ledit pèze et iceluy conservé avec leurs propres
22
forces sans quil ay esté besoing à nostre Sainct Père dy envoyer
23
synon lors que par sa magesté, il a esté requis comme il ne
24
veult aussi deffailhir à present de faire office à sadite saincteté,
25
joinct que le peu de nombre quelle y voulloys envoyer ne seroyt
26
souffizans pour resister aux forces que les aultres ont, priant à ceste
27
cause sa Saincteté de ne les fère partir et revocquer et revocquer la
28
la [sic] resolution quil en avoyt sur se faicte, comme par daultres lettres que
29
sadite magesté a resceues du sieur de Ferralz puis le partement dudit
30
de Beauville. Il semble que sa Saincteté estoyt en opignion de fère et
31
d’envoyer seullement quelque bonne et notable somme de denyers
32
pour lentretenement des gens de guerre que y seront ;
33
que ayant puisnaguyères accordé de la suspention darmes pour moyenner
34
une passiffication suyvant le dernyer edict. Il ny a nul doubte
35
[196 v°] que larivée des forces audit Pèze ne mist en soupson les aultres
36
et fist perdre se que lon peult esperer de lassamblée en laquelle
37
se trecte sesdites affères qui seroyt pour remectre le feu en son
38
royaume aussi grand quil ha esté cy devant et par mesmes moyens
39
ez terres de sa Saincteté dont elle soyt tropt desplaysante,
40
oultre la perte irreparable quil luy en viendroys.
41
Ayant en oultre mandé à monsieur le marechal Dampville de leur fère entandre
42
linouvation faicte de leur cousté au prejudice de ladite suspention
43
affin de la fère reparer, incontinent remectre la place ez mains
44
des ministres de sa saincteté et ne les recepvoir à aucunes remonstranses
45
quilz nayent satisfaict à se poinct.
46
Qui sont si pregnantes considerations que sadite magesté sassure
47
quelles suffirons divertir sa Saincteté de seste resolution.
48
Et affin de pourveoyr à se que sera de besoing, tant en ledite ville d’Avignon
49
que aultres villes et ez lieux dudit Comtatz pour le faict des armes
50
sadite magesté la connu et ordonné aveq pouvoyr ample quil luy en a
51
despeché.
52
Sassurons bien que aveq le bon conseil, advis, intelligense et correspondance
53
que avés aveq ledit sieur cardinal, ilz mectrons tel ordre à la conservation
54
des villes et lieux quil nen adviendra doresnavans inconvenient.
55
Sadite magesté a ordonné pour sesdites affaires audit sieur de Suze de
56
sayder des compaignies dordonnanses de monsieur le mareschal de
57
Retz, du sieur de La Tour et de la sienne, ensamble de tel
58
nombre de gens de pied quil jugera necessaire des peys circonvoysins,
59
assavoyr Dauphiné, Prouvense et Languedoc, ayant escript aux gouverneurs
60
et lieutenentz generaux dicelles de len assyster et secourir ainsi
61
que les occasions soffriront.
62
Faict à Chalons le XXVme jour de nouvembre mil cinq centz
63
Soixante treize.
64
Signé Charles et au dessoubs Fizes